Confitebor tibi Domine in toto corde meo:
in consilio justorum et congregatione.
Magna opera Domini:
exquisita in omnes voluntates ejus.
Confessio et magnificentia opus ejus.
et justia ejus, manet in sæculum sæculi.
Memoriam fecit mirabilium suorum,
misericors et miserator Dominus:
escam dedit timentibus se.
Memor erit in sæculum testamenti sui:
virtutem operum suorum annuntiabit populo suo:
Ut det illis hæreditatem gentium:
opera manuum ejus veritas et judicium.
Fidelia omnia mandata ejus:
Confirmata in sæculum sæculi
Facta in veritate et æquitate.
Redemptionem misit populo suo:
mandavit in æternum testamentum suum.
Sanctum et terribile nomen ejus:
initium sapientiæ timor Domini.
Intellectus bonus omnibus facientibus eum:
laudatio ejus manet in sæculum sæculi.
Gloria Patri et Filio et Spiritui Sancto.
Sicut erat in principio
et nunc et semper et in sæcula sæculorum.