O di immortales!
Stephanus discipulis fessis Romae historiam adhuc narrabat. At Romanis erant multi dei deaeque. Iuppiter deus erat caeli,Diana silvarum et venationis,Mars belli et militum,Venus amoris,Neptunus aequoris,Apollo solis et carminum. Quomodo autem possumus,ut dicit unus ex sanctis ,commemorari omnia nomina deorum et dearum? Quis vero sapiens piusque in tot deos credere potest?
Liberum amo! susurravit Augustinus.
Quid?
Nihil ,Magister.
Quid dixisti?
Librum amo.
Bene. Mox librum recitabis exscribesque. Ubi eram?…Dei deaeque ergo in fabulis male se gerebant,et nunc nobis illae superstitiones sunt exempla turpitudinis. Neque enim virtutem laudabant neque animas hominum curabant. Deus tamen ,creator terrae caelique hominumque bestiarumque,semper nos omnes curat. “Num” ut dicit sanctus Boethius,“Deus facere malum potest?”Nos sumus omnes semper carissimi Deo…'
'Magister ,ecce Paulus!Augustinus clamavit.
…fortasse praeter Paulum .Ubi est ille delinquens?inquit Stephanus,et ad fenestram festinavit. “Nihil videre possum nisi boves ovesque.
Paulus sub arboribus cum virgine ambulat.
Cum virgine ?Stephanus Paulum et Luciam conspexit. “Mehercule” inquit,“illa est virgo!” et statim discipuli libros reliquerunt et ad fenestram festinaverunt. “Ad libros,o inepti,ad libros!Cibum vinumque scilicet!Paulus modo cum ancillis modo cum virgine vacat. O di immortales!